അടിസ്ഥാന വിവരങ്ങള്‍

കെ.സി ചന്തുനായര്‍
സ്വാതന്ത്ര്യ സമര സേനാനിയായ ഇദ്ദേഹം കോണ്‍ഗ്രസ് സോഷ്യലിസ്റ്റു പാര്‍ടിയുടേയും തുടര്‍ന്ന് കമ്മ്യൂണിസ്റ്റ് പാര്‍ടിയുടെയും പ്രവര്‍ത്തകനായിരുന്നു.ചെറുവിച്ചേരി ഭാഗത്ത് കമ്മ്യൂണിസ്റ്റ് പാര്‍ടി കെട്ടിപ്പെടുക്കുന്നതില്‍ പ്രമുഖ പങ്ക് വഹിച്ചിട്ടുണ്ട്.
പോത്തേര തേലപ്രത്ത് ചന്തു നമ്പ്യാര്‍
മലബാര്‍ ഡിസ്ട്രിക് ബോര്‍ഡില്‍ ജന്മി എന്ന നിലയില്‍ വോട്ടവകാശം ഉണ്ടായിരുന്നു. പൊതു കാര്യത്തില്‍ ഇടപെട്ട ഇദ്ദേഹം കടന്നപ്പള്ളി കിഴക്കെകരയില്‍ ഒരു വിദ്യാലയം സ്ഥാപിക്കുന്നതില്‍ നിര്‍ണ്ണായക പങ്കു വഹിച്ചിട്ടുണ്ട്. വെള്ളാളത്തമ്പലത്തിന്റെ നടത്തിപ്പിന്റെ ചുമതലയും വഹിച്ചിരുന്നു.

ഉജ്വലനായ കമ്മ്യൂണിസ്റ്റ് സംഘാടകനായ ശ്രീ കുഞ്ഞികൃഷ്ണന്‍ നമ്പ്യാര്‍ നിരവധി സമര പോരാട്ടങ്ങള്‍ക്ക് നേതൃത്വം നല്‍കിയിട്ടുണ്ട്. 1963 മുതല്‍ 79വരെയും തുടര്‍ന്ന് 84 വരെയും ദീര്‍ഘകാലം കടന്നപ്പള്ളി പാണ്‍പ്പുഴ പഞ്ചായത്തിന്റെ പ്രസിഡണ്ടായിരുന്നു.ഇദ്ദേഹം വികസന പ്രവര്‍ത്തങ്ങള്‍ക്കു വേണ്ടി മഹത്തായ ത്യാഗം തന്നെ നിര്‍വ്വഹിച്ചിട്ടുണ്ട്. മാടാ‍യി ഏരിയയിലെ കര്‍ഷക പ്രസ്ഥാനത്തിലും നേ തൃത്വപരമായ പങ്ക് വഹിക്കാന്‍ ഇദ്ദേഹത്തിന് സാധിച്ചിട്ടുണ്ട്. നിരവധി വര്‍ഷം കടന്നപ്പള്ളിയിലെ CPIM നെ നയിച്ച ഇദ്ദേഹം വാര്‍ദ്ധക്യ സഹജമായ അസുഖത്താല്‍ ചന്തപ്പുരയിലുള്ള വീട്ടില്‍ വിശ്രമത്തിലാണ്.

ചെറുതാഴം വില്ലേജിലെ വിളയാങ്കോട് ഭാഗത്ത് 1904 ല്‍ ജനിച്ച ഇദ്ദേഹത്തിന്റെ പ്രവര്‍ത്തനം കടന്നപ്പള്ളി ഭാഗത്താ‍യിരുന്നു.സംസ്കൃതത്തിലും വൈദ്യത്തിലും അറിവു നേടി 1950 ല്‍ വിളയാങ്കോട് ആയുര്‍വ്വേദ വൈദ്യശാല സ്ഥാപിക്കുകയും ചികിത്സ ആരംഭിക്കുകയും ചെയ്തു. അതോടൊപ്പം വിഷ ചികിത്സയിലും തന്റെ കഴിവ് പ്രകടിപ്പിച്ചു. നൂറു കണക്കിനു രോഗികളുടെ ജീവന്‍ രക്ഷിക്കാന്‍ സാധിച്ചിട്ടുണ്ട്. പൊതു പ്രവര്‍ത്തന രംഗത്തും ഇദ്ദേഹത്തിന്റെ സാന്നിധ്യമുണ്ടായിരുന്നു.

കമ്മ്യൂണിസ്റ്റ് പാര്‍ടിയുടെ ആദ്യകാല പ്രവര്‍ത്തകനായ പി സി കൃഷ്ണന്‍ ചന്തപ്പുര നവധാര തിയേറ്റേഴ്സിന്റെ സ്ഥാപകരില്‍ ഒരാളാണ്. നിരവധി നാടകങ്ങള്‍ രചിച്ചിട്ടുണ്ട്. കണ്ണൂര്‍ ജില്ലയിലെ ഏതാനും പ്രൊഫഷണല്‍ കലാസമിതികളുടെ നാടകങ്ങളില്‍ അഭിനയിച്ചിട്ടുണ്ട്. ഇദ്ദേഹത്തിന്റെ ഒരു നാടകം സംസ്ഥനതല നാ‍ടക മത്സരത്തില്‍ ഒന്നാം സ്ഥാനം നേടിയിട്ടുണ്ട്. ഏതാനും ചെറുകഥകളും രചിച്ചിട്ടുണ്ട്. ചന്തപ്പുരയില്‍ താമസിക്കുന്നു.

കമ്മ്യൂണിസ്റ്റ് പ്രസ്ഥാനത്തിന്റെ കണ്ണൂര്‍ ജില്ലയിലെ കരുത്തുറ്റ സംഘാടകരില്‍ ഒരാളായ ശ്രീ.പി.പി.ദാമോദരന്‍ തന്റെ പൊതു പ്രവര്‍ത്തനം ആരംഭ്ച്ചത് കടന്നപ്പള്ളി-പാണപ്പുഴ പ്രദേശങ്ങളിലാണ്. അഞ്ചു വര്‍ഷം കടന്നപ്പള്ളി- പാണപ്പുഴ പഞ്ചായത്തിന്റെ പ്രസിഡണ്ടായി. ഇപ്പോള്‍ കണ്ണൂര്‍ ജില്ലാബാങ്കിന്റെ വൈ:പ്രസിഡണ്ടും CPIM ന്റെ മാടായി ഏരിയാ സെക്രട്ടറിയും കര്‍ഷക സംഘത്തിന്റെ സംസ്ഥാനകമ്മിറ്റി അംഗവുമാണ്. നിരവധി സമര പോരാട്ടങ്ങള്‍ക്കു നേതൃത്വം കൊടുത്ത ഇദ്ദേഹം കലാ-കായിക സാംസ്കാരിക രംഗത്തും നിറസാന്നിധ്യമാണ്.നിരവധി നാടക്ങ്ങളില്‍ അഭിനയിക്കുകയും സംവിധാനം ചെയ്യുകയും ചെയ്തിട്ടുണ്ട്.

1953 ല്‍ കടന്നപ്പള്ളി പഞ്ചായത്ത് രൂപം കൊണ്ടപ്പോല്‍ പ്രസിഡണ്ടായി തെരഞ്ഞെടുക്കപ്പെട്ടു. കൈപൊക്കി വോട്ടിംഗില്‍യൂടെയാണ് തെരഞ്ഞെടുക്കപ്പെട്ടത്. 1953 മുതല്‍ 1961 വരെ ഒട്ടേറെ വികസന പ്രവര്‍ത്തനങ്ങള്‍ക്ക് തുടക്കം കുറിച്ചു. പഞ്ചായത്തിന് സ്വന്തമായി വരുമാന മാര്‍ഗങ്ങള്‍ ഇല്ലാതിരുന്ന അക്കാലത്ത് പടിഞ്ഞാറേക്കര- നരീക്കാംവള്ളി റോഡ്, ചന്തപ്പുര-പരിയാരം റോഡ് എന്നിവയുടെ നിര്‍മ്മാണത്തിന് തുടക്കം കുറിച്ചത് രയരു നമ്പ്യാരാണ്.

പ്രസിദ്ധ വിഷ ചികിത്സക്നും പാരമ്പര്യ വൈദ്യനുമായ ഇദ്ദേഹം കടന്നപ്പള്ളി കിഴക്കേക്കരയിലാണ് താമസിച്ചിരുന്നത്. രോഗിയെ നോക്കി ലക്ഷണം പറയാനും ഇദ്ദേഹത്തിന് സാധിച്ചിരുന്നുവെന്ന് അനുഭവങ്ങള്‍ പറഞ്ഞു കേട്ടിട്ടുണ്ട്. പ്രതിഫലേച്ഛ കൂടാതെയുള്ള ഇദ്ദേഹത്തിന്റെ ചികിത്സ ഫലിക്കാത്ത സന്ദര്‍ഭങ്ങള്‍ ഉണ്ടായിട്ടേയില്ല. കടന്നപ്പള്ളി പഞ്ചായത്തിലെ ആദ്യ ഭരണ സമിതി അംഗമായി പ്രവര്‍ത്തിക്കുകയും വികസന പ്രവര്‍ത്തങ്ങള്‍ക്ക് നേതൃത്വം കൊടുക്കുകയും ചെയ്തിട്ടുണ്ട്. കമ്മ്യൂണിസ്റ്റ് പാര്‍ടിയുടെ സഹായികനായിരുന്ന ഇദ്ദേഹം കടന്നപ്പള്ളി ഈസ്റ്റ് എല്‍.പി സ്കൂള്‍ മാനേജരായി പ്രവര്‍ത്തിച്ചിട്ടുണ്ട്.

കടന്നപ്പള്ളി വില്ലേജിലെ കര്‍ഷക പ്രസ്ഥാനത്തിന്റെ സ്ഥാപക സെക്രട്ടറിയായിരുന്ന രാമന്‍ പണിക്കര്‍ പഴയ തലമുറയിലെ പേരിട്ട വ്യകിതിത്വമായിരുന്നു.യഥര്‍ത്ഥ കമ്മ്യൂണിസ്റ്റ്, അനാചാരങ്ങളോടും അന്ധ വിശ്വാസങ്ങളോടും സന്ധി ചെയ്യാത്ത മനുഷ്യന്‍, പ്രഗല്‍ഭനായ പൂരക്കളി മറത്തുകളി ആചാര്യന്‍,അക്ഷര ശ്ലോക പണ്ഡിതന്‍, ഇങ്ങനെ വിശേഷണങ്ങള്‍ ഏറെയാണ്. പൂരക്കളി മറത്തുകളി രംഗത്ത് ഒട്ടേറെ പുരസ്കാരങ്ങള്‍ ലവ്ഭിച്ചിട്ടുണ്ട്. 1960 ലെ ഐതിഹാസികമായ കര്‍ഷക സമരത്തില്‍ പങ്കെടുത്ത് രണ്ടുമാസം കണ്ണൂര്‍ സെന്‍ട്രല്‍ ജയിലില്‍ ജയില്‍ വാസമനുഷ്ഠിച്ചു.

20-‍ാ നൂറ്റാണ്ടിന്റെ ആദ്യകാലത്ത് കടന്നപ്പള്ളി ഗ്രാമത്തില്‍ അക്ഷര ജ്യോതി തെളിയിച്ച മഹാനുഭാവന്‍. ഇന്ന് തുമ്പോട്ട എന്നറിയപ്പെടുന്ന പ്രദേശത്തെ രയരോത്തു പറമ്പില്‍ കുടിപ്പള്ളിക്കൂടം സ്ഥാപിച്ച് സവര്‍ണ്ണ അപര്‍ണ്ണ ഭേദമന്യേ കുട്ടികള്‍ക്ക് ആദ്യാക്ഷരം നല്‍കി. മണിപ്രവാളവും കാവ്യങ്ങളും ഗണിതവും പഠിച്ചു കൊണ്ട് ഒരു തലമുറ കോരനെഴുത്തച്ഛന്റെ കീഴില്‍ വളര്‍ന്നു. അവര്‍ പില്‍ക്കാ‍ലത്ത് നാടിന്റെ സാമൂഹ്യ മാറ്റങ്ങള്‍ക്ക് ദിശാബോധം നല്‍കി.